Istripuaren gune hurbilena da eta, beraz, kalte handienak jasan ditzakeena (ondasun higiezinetan, ingurumenean edo pertsonengan). Eremu honetan, agintariek babes-neurriak aplikatuko lituzkete; Alerta Eremuan, aldiz, ez litzateke horrela izango, han larrialdiaren eta gure segurtasunaren kontrola soilik mantentzen baita.

Eremu horien mugaketa kalkulu matematiko oso konplexuen bidez egiten da, segurtasun-marjin oso handiekin. Zerbait gertatzeko probabilitatea oso txikia da, baina agintariak eta industria prest daude kalkulu horien araberako bitarteko egokiekin esku hartzeko.

Espazio guztiak ez dira berdinak; beraz, lurralde bakoitzaren berezitasunaren eta larrialdiaren arabera, esku-hartze eremua eta alerta eremua mugatzen dituzten mapak desberdinak izango dira.