General Química
Lantaron
Udalerri honetan Seguridad KIMIKA proiektuari atxikitako hiru enpresa daude.
Jarraian, informazio zehatza kontsulta dezakezu.
General Química S.A.U. enpresa kimiko sendo eta errotua da. Egoitza Arabako Lantaron udalerrian du, Zubillaga gunean hain zuzen ere. Lantegiak kokapen estrategikoa du Miranda Ebro eta Larrazubi artean, A-2122 eskualde-errepidean.
Enpresak beste industria-kategoria batzuetan sailkatu gabeko konposatu kimiko bereziak fabrikatzen dihardu, eta funtsezkoa da Estatuko sektore kimikoan. Jarduera hori 840/2015 Errege Dekretuaren mente dago; legedi horrek substantzia arriskutsuak darabiltzaten instalazioen segurtasun-baldintzak ezartzen ditu.
Hamarkadetako esperientzia oinarri hartuta, General Químicak industria-segurtasuna, ingurumen-jasangarritasuna eta eraginkortasun teknologikoa uztartzen dituen politika sendoa ezarri du bere prozesuetan. Lantegia erreferentziazko eredua da ekoizpen kimikoaren eta gizarte-erantzukizunaren arteko orekan.
Instalazioaren azken ikuskapen-data: 2025eko otsailaren 27a.
Autobabes-neurriak
- Ihes toxikoa gertatuz gero, larrialdi-sirenak aktibatuko dira.
General Químicak indarrean ditu Autobabes Plana eta Eusko Jaurlaritzarekin koordinatutako Kanpo Larrialdietarako Plana.
Larrialdi kasuan biztanleentzako jarraibideak:
- Babestu arnasbideak zapi edo oihalekin.
- Itxi ateak eta leihoak.
- Bilatu babeslekua eta geratu barruan (konfinamendua). Saihestu sotoak, garajeak edo ibilgailuaren barrualdea.
- Zure kargu adingaberik baduzu, ez joan haien bila ikastetxera, formakuntza-zentrora edo unibertsitatera. Zentro horiek beren babes-neurriak dituzte eta aplikatu egingo dituzte.
- Erabili telefonoa ezinbestekoa denean soilik.
- Jarraitu informazio ofiziala tokiko irratien, 112 SOS Deiak aplikazioaren, sare sozialen eta tokiko megafoniaren bidez.
Balizko arriskuak
General Químicak hainbat substantzia arriskutsu manipulatzen ditu; besteak beste, produktu sukoiak, erregaiak, osasunerako toxikoak eta uretako ingurumenarentzat arriskutsuak. Biltegiratu edo prozesatzen diren substantzia kritikoenen artean, hauek nabarmentzen dira: hidrogeno sulfuroa, ziklohexilamina, anilina eta dimetilamina.
Kanpo Larrialdietarako Planean (KLP) aurreikusitako istripu-eszenatoki larrienak honako hauek dira:
- Hidrogeno sulfuroaren ihes toxikoa, gasometrotik prozesura doan isuraldatze-hodiaren hausturagatik
Gainpresio bidezko leherketa hidrogeno sulfuroaren autoklabean.
Dimetilamina-ihesak eragindako sutea, tangatik prozesura doan isuraldatze-hodiaren hausturaren ondorioz.
Hodei sukoia barreiatzea,hidrogeno sulfuroaren ihesaren kariaz, gasometrotik prozesura doan isuraldatze-hodiaren hausturagatik.
KLPk segurtasun-eremu hauek zehazten ditu aipatutako eszenatokietarako:
Hidrogeno sulfuroaren ihes toxikoa, gasometrotik prozesura doan isuraldatze-hodiaren hausturagatik:
- Esku-hartze eremua (ZI): Arrisku-fokutik 1.550 metroko erradioan.
- Abisu-eremua (ZA): Arrisku-fokutik 7.285 metroko erradioan.
Gainpresio bidezko leherketa hidrogeno sulfuroaren autoklabean:
- Esku-hartze eremua (ZI): Arrisku-fokutik 65 metroko erradioan.
- Abisu-eremua (ZA): Arrisku-fokutik 145 metroko erradioan.
Dimetilamina-ihesak eragindako sutea, tangatik prozesura doan isuraldatze-hodiaren hausturaren ondorioz:
- Esku-hartze eremua (ZI): Arrisku-fokutik 70 metroko erradioan.
- Abisu-eremua (ZA): Arrisku-fokutik 90 metroko erradioan.
Hodei sukoia barreiatzea,hidrogeno sulfuroaren ihesaren kariaz, gasometrotik prozesura doan isuraldatze-hodiaren hausturagatik:
- Esku-hartze eremua (ZI): Arrisku-fokutik 40 metroko erradioan.
- Abisu-eremua (ZA): Arrisku-fokutik 40 metroko erradioan.
Koordinazio operatiboa
Kanpo Larrialdietarako Plana aktibatzea.
SOS Deiak zerbitzuari berehala jakinaraztea, honako datu hauek zehaztuz: gertakari-mota, substantzia, kantitatea, arrisku-kategoria, haizearen norabidea eta balizko eragina.
Integrazio operatiboa suhiltzaileekin, poliziarekin eta osasun-zerbitzuekin.
Enpresaren adierazleak
Autobabes Plana eta Kanpo Larrialdietarako Plana indarrean.
Megafonia, sare sozialak, tokiko komunikabideak eta 112 SOS Deiak aplikazioa. Ihes toxikoa gertatuz gero, larrialdi-sirenak aktibatuko dira.
Konposatu kimiko industrialak fabrikatzea eta prozesatzea. Horietako batzuk osasunerako eta uretako ingurumenerako toxikoak, erregarriak, korrosiboak edo sukoiak dira.
Hidrogeno sulfuroa, ziklohexilamina, anilina edo dimetilamina, besteak beste.
General Química funtsezko eragilea da Arabako hego-mendebaldeko ekonomian, bai sortzen duen enplegu zuzenagatik, bai sektore osagarrietan duen eraginagatik. Gainera, erakunde publikoekin lankidetzan dihardu ingurumen-oinatza murrizteko, teknologia seguruagoetan inbertitzen.
Segurtasuna, gardentasuna, etengabeko prestakuntza eta ingurumen-babesa.
