Tepsa
Zierbena
Udalerri honetan Seguridad KIMIKA proiektuari atxikitako zortzi enpresa daude.
Jarraian, informazio zehatza kontsulta dezakezu.
TEPSA, Terminales Portuarias, S.L. enpresak kokaleku estrategikoa du Punta Ceballosen (Zierbena, Bizkaia). Lehengaien eta produktu kimikoen biltegiratzean liderra da.
Haren jarduera funtzezko zeregina betetzen du kate logistiko eta industrialean; izan ere, oinarrizko zerbitzua bermatzen die substantzia horien manipulazio eraginkor eta segurua ezinbesteko duten sektore estrategikoei.
Bere jarduera industria-segurtasunarekiko eta ingurumenarekiko konpromiso sendoagatik nabarmentzen da. Enpresak estandarrik zorrotzenen arabera egiten du lan, eta hertsiki betetzen du 840/2015 Errege Dekretua (substantzia arriskutsuak tartean diren istripu larriak prebenitzea xede duena). Konpromiso horrek biltegiratutako substantzia guztien kudeaketa segurua eta arduratsua bermatzen du, eta, horrela, lasaitasuna ematen die bezeroei eta inguruko komunitateari.
TEPSAk eraginkortasun logistikoa eta segurtasun-kultura proaktiboa uztartzeari esker, nabarmen indartzen ditu Bilboko Portuko azpiegitura eta tokiko ekonomia. Produktu kimikoen eta lehengaien fluxu arin eta segurua bermatuz, konpainiak zuzenean sustatzen ditu lehiakortasun industriala eta eskualdeko garapen ekonomikoa, funtsezko ardatza baita industria ugariren hornidura-katean.
Instalazioen azken ikuskapen data: 2025eko maiatzaren 29an.
Autobabes-neurriak
Larrialdi kasuan biztanleentzako jarraibideak
TEPSAk indarrean ditu Autobabes Plana eta Eusko Jaurlaritzarekin koordinatutako Kanpo Larrialdietarako Plana.
- Babestu arnasbideak zapi edo oihalekin.
- Itxi ateak eta leihoak.
- Bilatu babeslekua eta geratu barruan (konfinamendua). Saihestu sotoak, garajeak edo ibilgailuaren barrualdea.
- Zure kargu adingaberik baduzu, ez joan haien bila ikastetxera, formakuntza-zentrora edo unibertsitatera. Zentro horiek beren babes-neurriak dituzte eta aplikatu egingo dituzte.
- Erabili telefonoa ezinbestekoa denean soilik.
- Jarraitu informazio ofiziala tokiko irratien, 112 SOS Deiak aplikazioaren, sare sozialen eta tokiko megafoniaren bidez.
Balizko arriskuak
TEPSAko instalazioetan substantzia sukoiak, pertsonen osasunerako toxikoak eta uretako ingurumenarentzat kaltegarriak biltegiratzen dira; besteak beste, metanola, gasolina, gasolioa, akrilonitriloa, hexanoa eta heptanoa.
TEPSAko Kanpo Larrialdietarako Planean (KLP) identifikatutako arrisku-eszenatoki kritikoenak honako hauek dira:
Akrilonitrilo-hodei toxikoa TEPSAko plantan barreiatzea, zisterna-bagoia kargatzean gertatutako ihesaren ondorioz.
Sutea TEPSAko plantan, gasolio-tangara konektatutako hodia hausteagatik.
Leherketa heptano-tangan.
Akrilonitrilo-hodei toxikoa barreiatzea Punta Ceballosko pantalanean, ontzira konektatzeko mahuka hausteagatik.
Sutea Punta Ceballosko pantalanean, ontzira konektatzeko mahuka hautsi eta heptanoa isuri ondoren
KLPk segurtasun-eremu hauek zehazten ditu aipatutako eszenatokietarako:
Akrilonitrilo-hodei toxikoa barreiatzea instalazioetan, zisterna-bagoia kargatzean gertatutako ihesaren ondorioz:
- Esku-hartze eremua (ZI): Arrisku-fokutik 900 metroko erradioan.
- Alerta-eremua (ZA): Arrisku-fokutik 2.130 metroko erradioan.
Sutea TEPSAko plantan, gasolio-tangara konektatutako hodia hausteagatik:
- Esku-hartze eremua (ZI): Arrisku-fokutik 107 metroko erradioan.
- Alerta-eremua (ZA): Arrisku-fokutik 128 metroko erradioan.
Leherketa heptano-tangan:
- Esku-hartze eremua (ZI): Arrisku-fokutik 106 metroko erradioan.
- Alerta-eremua (ZA): Arrisku-fokutik 227 metroko erradioan.
Akrilonitrilo-hodei toxikoa barreiatzea Punta Ceballosko pantalanean, ontzira konektatzeko mahuka hausteagatik:
- Esku-hartze eremua (ZI): Arrisku-fokutik 693 metroko erradioan.
- Alerta-eremua (ZA): Arrisku-fokutik 1.823 metroko erradioan.
Sutea Punta Ceballosko pantalanean, ontzira konektatzeko mahuka hautsi eta heptanoa isuri ondoren:
- Esku-hartze eremua (ZI): Arrisku-fokutik 97 metroko erradioan.
- Alerta-eremua (ZA): Arrisku-fokutik 117 metroko erradioan.
Koordinazio operatiboa
Kanpo Larrialdietarako Plana aktibatzea.
SOS Deiak zerbitzuari berehala jakinaraztea, honako datu hauek zehaztuz: gertakari-mota, substantzia, kantitatea, arrisku-kategoria, haizearen norabidea eta balizko eragina.
Integrazio operatiboa suhiltzaileekin, poliziarekin eta osasun-zerbitzuekin.
Enpresaren adierazleak
Autobabes Plana eta Kanpo Larrialdietarako Plana indarrean.
Komunikazio zuzena, ohiko hedabideak, 112 SOS Deiak aplikazioa eta sare sozialak.
Produktu kimikoak eta askotariko lehengaiak biltegiratzen espezializatutako enpresa.
Ezaugarri sukoiak dituzten substantziak, bai eta pertsonen osasunerako toxikoak eta uretako ingurumenarentzat kaltegarriak direnak ere; besteak beste, metanola, gasolina, gasolioa, akrilonitriloa, hexanoa eta heptanoa.
TEPSA funtsezko ardatza da Bilboko Portuko azpiegitura logistikoa sustatzeko, eta eragiketa seguruak eta jasangarriak bermatzen ditu. Haren jarduerak eragin positibo zuzena du tokiko ekonomian, enplegua sendotuz eta industria-hornikuntzaren katea indartuz.
ISO 9001 (Kalitatea), ISO 14001 (Ingurumena) eta ISO 45001 (Laneko segurtasuna eta osasuna).
